Nú virðast allir [lesist: borgarahreyfingin og moggabloggarar] keppast um að fordæma aðgerðir lögreglu í dag.
Látum okkur nú sjá. Nokkrir "stuðningsmenn" sakborninga mættu í Héraðsdóm með flugelda.
Hluti af þessum "stuðningsmönnum" neituðu svo að framfylgja þeim reglum sem eru settar í dómssal. Þá var kallað á lögreglu til að fjarlægja þessa einstaklinga úr dómssal. Þessir einstaklingar neita að framfylgja boðum lögreglu um að víkja úr dómssal, og kemur því til stimpinga milli lögreglu og stuðningsmanna, því það þurfti að fjarlægja þá með valdi vegna þess að þeir vildu ekki fara með góðu.

Úr fréttayfirlýsingu Borgarahreyfingarinnar: "Fjölmennur hópur lögreglumanna var í dómshúsinu og réðist gegn almenningi á staðnum án nokkurrar ástæðu."
Þetta hljómar eins og lögreglan hafi mætt  óspurð í dómssal og ákveðið upp á sitt einsdæmi að vera með leiðindi.
Athugaverð afstaða þegar horft er til þess að það var kallað á lögreglu vegna þess að stuðningsmenn voru með leiðindi, en ekki öfugt.

og meira úr þessari ályktun: "Svo virðist sem ofbeldisleikrit hafi verið sett á svið í samráði við lögregluyfirvöld og vekur það spurningar um atburðina í alþingishúsinu sem ákæran snýst um"

Það virðist frekar vera sem svo að þetta "leikrit" hafi þá verið skipulagt af stuðningsmönnum og Borgarahreyfingunni, að staðsetja nokkra einstaklinga í dómssal til að vera með leiðindi með þeim tilgangi að ögra lögreglu.

Það er ekki til að auka traust á Borgarahreyfingunni þegar fordæming þeirra byggist á öfugri atburgðarrás.

Lögregla var kölluð til, og sinnti starfi sínu.

Einstaklingar sem mæta í héraðsdóm með flugelda eða neita að framfylgja reglum í dómssal eru ekki þarna í þeim tilgangi að vera með "ró og spekt".
Fávitar